Radio Pyuthan FM|娛樂線上App不用買-HotApp4Game

प्यूठान जिल्लाको समग्र बिकासका लागि संचारको बिकासको आवश्यकताको महसूस गरी एउटा संस्थाको जन्म भयो । स्थानिय यूवा पत्रकार इमानिसंह भारतीको अध्यक्षतामा बिकास मिडिया सर्भिस नेपाल (Development Media Service Nepal, DMS Nepal) २०६० सालमा जिल्ला प्रसाशन कार्यालयमा दर्ता भएको हो । दर्ता भएपछि जिल्लामा पत्रकारहरुको उत्पादन गर्न बिभिन्न तालिमहरु संचालन गर्दै उनिहरुको स्तर बृद्धि लगाएत पत्रकारीतालाई एउटा मर्यादित पेशाको रुपमा अगाडि वढाउन बिभिन्न कार्यक्रम संचालनमा ल्याएको थियो । ग्रामिण क्षेत्रमा संचारको बिकास गर्ने दलित पिछडिएका बर्गको उत्थान गर्ने र उनिहरुमा संचार सम्म पहूचँ बढाउने संस्थाको मूख्य उद्देश्य थियो ।

जिल्लामा एउटा मात्र साप्ताहिक प्रकाशन भैरहेको अवस्थामा जिल्लामा बिद्यूती मध्यमको संभावनाको खोजी गर्न र दर्ता गर्नका लागि अध्यक्षको संयोजकत्वमा एउटा समिति गठन गरियो । नेपालमा प्रजातन्त्रको पूर्नःस्थापना पछि स्थानिय स्तरबाट एफ।एम प्रसारणका लागि इजाजत दिने निर्णय गर् यो र प्रसारण ऐन २०४८ लाई अझ ससक्त र जनतालाई सूसूचित हून पाउने अधिकारको संरक्षण गर्न यसले ठूलो महत्व राख्यो । सोहि अनूरुप बिभिन्न समस्या र चूनौतिका बिच २०६३ साल भदौंमा बिकास मिडिया सर्भिस नेपाल रेडियो प्यूठानले इजाजत पत्र प्राप्त गर् यो ।

रेडियो संचालनका लागि सामूदायिक स्तरबाट लगानिकालागि आह्वान गर्दै रेडियो संचालनका लागि जिल्लाका बिभिन्न समूदाय र यहाँका ब्यत्तित्वहरु सगँको व्यापक छलफल पछि रेडियो प्रसारणका लागि खलंगा-९ बूढाचौरमा स्टेशन निर्माण गरी संचालन गर्ने भयो । खलंगा-९ बूढाचौर नै किन प्यूठान सदरमूकाम खलंगा गाबिस भित्र परेर पनि बिकास र सूबिधाका हिसावले यो ठाउँ पछि परेको थियो । सम्पूर्ण दलित बस्ती रहेको यो स्थान समुन्द्र सतहको ३०५ मि। उचाईदेखि ३६५९ मि।sाे उचाईमा रहेको छ । सन्दर र रमणीय हूदा हूदै पनि दलित बस्ती भएकै कारण पछि पारिएको थियो । दलित बस्तीको उत्थान र उनिहरुको संचार माध्यम सम्मको पहूँचका लागि यस स्थलमा रेडियोको स्थापनाले यसठाउँ समग्र बिकासमा पनि सहयोग पूग्छ भन्ने सोचका साथ यहाँ रेडियो स्टेशनको स्थापना गरियो । ४ रोपनि जग्गा खरिद गरि एक तलाको ४ कोठे आफ्नै भवनमा नियमित रुपमा १७ घण्टा राष्ट्र तथा राष्ट्रिय भाषामा लगातार सुचनामुलक तथा मनोरंजनात्मक कार्यक्रमका साथ संचालन भैरहेको छ ।

रेडियो संचालन समूदायका लागि संचार भन्ने मूल नारा सहित समूदायले नै स्थापना गरेकोले रेडियो प्यूठानलाई सामूदायिक रेडियो प्यूठान नामाकरण गरिएको हो । २०६४ साल असोज २३ गते त्यहाँको स्थानिय घरको २ कोठा भाँडामा लिई रेडियोले प्रबिधि परिक्षण सूरु गरियो । पि्रुक्वइन्सी मोडूलेसन एफ।एम को ९२ मेगाहर्ज मार्फत रेडियो प्यूठान घरघरमा घन्कन थाल्यो । असोज २५ गते देखि बिधिवत रुपमा रेडियोले परिक्षण प्रसारण सूरु गर् यो । केहि समयको महनत तयारी पछि जनशक्तिलाई अझ प्रभावकारी बनाउन एक हप्ते तालिमको आयोजना गरियो । २०६४ साल काक्तिक १७ गते देखि केहि कार्यक्रम र प्यूठानका स्थानिय समाग्रीलाई समाचारको माध्यमबाट प्रसारण सूरु गरियो । बिहान साढे ५ बजे देखि बिहान ११ बजे सम्म र दिउँसो साढे ३ बजे देखि राती १० बजे सम्म रेडियो प्रसारण हून थाल्यो । दिन प्रति दिन रेडियोले लोकपि्रयता बढाउदै गए पछि २०६६ साल बैशाख १ गते देखि समयावधी १७ घण्टा पुर् याई बिहान ५ बजे देखि राती १० बजे सम्म प्रसारण हूदैआईरहेको छ ।

~~~~~~~~~~~~~~~~~~~~~